Бүгін мектебімізде бастауыш сынып оқушылары арасында мектепішілік «Бастау» математикалық олимпиадасы өтті.

Іс-шараның мақсаты – оқушылардың математикалық сауаттылығын арттыру, логикалық ойлау қабілеттерін дамыту, сондай-ақ дарынды оқушыларды анықтау. Олимпиада барысында оқушылар өз білімдерін сынап, логикалық есептер мен қызықты тапсырмаларды орындады. Қатысушылар белсенділік танытып, өзара әділ бәсекеде білім деңгейлерін көрсете білді. Олимпиада қорытындысы бойынша үздік нәтиже көрсеткен оқушылар марапатталады. Барлық қатысушыларға алғыс білдіре отырып, алдағы уақытта да білім бәйгелерінде биік жетістіктерге жетулеріне тілектеспіз. Барша оқушыларға сәттілік тілейміз!