Білім туралы құжаттардың телнұсқасын (дубликатын) беру

Мемлекеттік органда немесе «Азаматтарға арналған үкімет» мемлекеттік корпорациясы» КЕАҚ арқылы көрсетілетін қызметті алу тәртібі (қажетті құжаттар):

1. Білім туралы құжатын жоғалтқан немесе бүлдірген білім алушының не кәмелетке толмаған баланың ата-анасының (заңды өкілінің) негізгі орта және жалпы орта білім беру ұйымы басшысының атына жазылған өтініші;

2. Білім алушының туу туралы куәлігі немесе жеке басын куәландыратын құжаты (жеке тұлғаны сәйкестендіру үшін қажет);

3. Тегі, аты, әкесінің аты (бар болған жағдайда) өзгерген кезде және (немесе) білім туралы құжат бүлінген жағдайда білім туралы құжаттың түпнұсқасы қоса ұсынылады.

Жеке басты куәландыратын құжаттар туралы мәліметтерді Мемлекеттік корпорация қызметкері «электрондық үкімет» шлюзі арқылы тиісті мемлекеттік ақпараттық жүйелерден алады және қызмет көрсетушіге жолдайды.