Ағымдағы жылдың 5 сәуірінде Кәсіптік бағдар беру жұмысы аясында 8 сынып оқушылары Көкшетау қаласының теміржол мұражайына барды.

Мұражай саланың даму кезеңдерін көрсететін тақырыптық залдардан тұрады. Экспозицияда Қазақстан аумағында темір жол құрылысының басталуы туралы материалдар ұсынылған.

Мұражай саланың даму кезеңдерін көрсететін тақырыптық залдардан тұрады.

Мұражай 1981 жылы ардагерлердің бастамасымен Петропавл, Көкшетау жолының алғашқы құрылысшыларына алғыс ретінде құрылды.

Мұражайда Ақмола облысында теміржол көлігінің қалыптасу тарихын көрсететін мыңнан астам экспонаттар мен экспозициялар жинақталған.

Олардың арасында бұрын станцияларда болған ескі қоңырау, локомотивтердің макеттері, әртүрлі типтегі вагондар, рельстер, құралдар жинағы, теміржолшылардың формалық киімдері, құжаттар, марапаттар бар.

Ұрпақтар сабақтастығы бөлімінде теміржол басшыларының (1958 - 1997 жж.), еңбек сіңірген еңбек ардагерлерінің, сала батырларының фотосуреттері қойылған.Мұнда теміржолшылар әулеті – шежіресі жазылған стенд орнатылған.